Ej, poduvaj ty vitriku

1.
Ej, poduvaj ty, vitriku, povivaj po poľu.
Bo už budut verbovati paribkiv na vojnu.
[: Duje vitor, duje, polamal lipočku.
I ja musju zochabiti svoju frajiročku. :]

2.
Ja sja zvidal, moja mila, či budeš čekati.
Ked ja budu na ti vojni s turkom bojovati.
[: Bo mi dajut munďur i ostru šabličku.
Budu turka nahaňati na vranym koničku. :]

3.
Ked začali tym, husarjom, do vojny trubiti.
Už začala falošnicja sobi tak hvariti.
[: Sjade na konička, odletit jak, hde chce.
Čom by mňa malo boliti za nim moje serdce. :]

4.
Už mi mila napisala, že ne bude moja.
Ne bude za mnom čekati pokaľ budu vojak.
[: Zaduvaj vitriku, vernij jij chustočku.
A ja musju pohledati druhu frajiročku. :]